شوربة البروكلي بالكريمة
شوربة البروكلي هي من افضل انواع الشورب لانها مفيده جدا للاطفال مفيده جدا للجسم والقيمه الغذائيه عاليه جدا فالبروكلي يحتوي على كم كبير من الفيتامينات والعناصر الضرورية لتقوية وبناء الجسم, اكيد كلنا محتاجين تغيير في البيت ودي بتبقي حاجة جديدة علينا احنا ممكن نعمل شوربة بروكلي وممكن نعمل انواع شورب تانية هنتكلم عليها هنا والبروكلى من أنواع الخضروات التي تحتوي على نكهة غير تقليدية جربيها مش هتبطلي تعمليها تانى فى البيت تعالو نعمل شوربة البروكلي بالكريمة امشى معايا خطوه بخطوه .
مقادير شوربة البروكلى
-1 بصلة صغيرة مفرومة-فص توم مفروم
-نصف كيلو بروكلي مقطع زهرات صغيرة (يعنى تاخدى الجزء الاخضر و تفصص الزهرات بتاعتها)
-4 كوب مرقة دجاج
-عود كرفس مفروم
-ملعقة كبيرة زبدة
-ملح وفلفل اسود على حسب الرغبه
-معلقه كبيره زيت زيتون
-ورقة لوري
-فص حبهان
-1 كوب كريمة لباني
طريقة عمل شوربة البروكلي
هنجيب حله ونضع على نار هادئه ثم نضيف فيها الزبدة والزيت ورقة لوري و الحبهان ثم نحط البصل المفروم و الكرفس حتى يذبل ثم نضيف الثوم المفروم و نقلب ,ثم اضيفي البروكلي المقطع و مرقة الدجاج و مية و اتركيه حتى يغلى بعدين هدى النار عليها حتى يستوي البروكلى و يبقى طرى,
ثم نطفي النار عليها ونسيبها لحد ما تهدا ونشيل ورقة اللورى والحبهان منها وبعدين نضربها في الخلاط ونرجع نحط الشوربة تانى فى الحلة و نضيف الملح و الفلفل
علي نار هادئة ونضيف الكريمه اللباني لمدة دقيقتين فقط, و بعدين تكون جاهزة و نقدمها فى بولة الشوربة وممكن نحط ورقة نعناع او كرفس مقطع على الوش للتزيين.