هي من اشهر السلطات في المطاعم المشهورة خاصة مطاعم الوجبات السريعة (fast food) زي ماكدونالدز و كنتاكي و مؤمن بالاضافة انها طبق جانبى ومن افضل انواع السلطات تتاكل مع فراخ مقرمشه او المشويات وسهله جدا تحضيرها في المنزل وبيحبها الكباروالاطفال جدا فهى تمد الجسم بالطاقة كما انها غنية بمضادات الاكسدة لاحتوئها على الكرنب.
المقادير
نصف كرنب صغيره مقطعه شرائح صغيرة جدا
1 ثمرة جزر مبشور
350 جرام مايونيز
معلقة صغيرة خل ابيض
معلقة صغيرة عصير ليمون
رشه ملح
معلقة كبيره سكر (او عسل نحل )
معلقة كبيره لبن كامل الدسم
طريقة عمل سلطة كول سلو
خطوه بخطوه للتحضير
اول حاجه هنعملها هنجيب بولة ونضيف فيها لبن وسكر و رشه الملح وخل وعصير ليمون و مايونيز و هنضربهم جيدا بالمضرب او يدوي وبعدين هنجيب بولة كبيرة نضيف فيها الكرنب مقطعة جوليان(شرايح رفيعة جدا) والجزر المبشور ثم نقلبهم وبعدين هنضيف كل المكونات علي بعض ونغطيها كويس ثم هندخلها ثلاجه لمده ساعتين اواكثر لحد ما للكرنب يشرب التتبيله كلها مع بعضها وتديني طعم حلو زي المطاعم واحلي كمان وبعد مانخرجها من الثلاجه هنحطها في طبق التقديم
ملحوظة
سلطة للكول سلو هي نفس المكونات ممكن اعملها كرنب ابيض او كرنب احمر نفس الطعم بس الفرق مابينهم هو اللون فقط.