صوص الشيدر من الصوصات اللذيذة جدا اللى بتستخدم مع العديد من الاكلات و الشندوتشات مثل البرجر و البطاطس و البيتزا و غيرها من الاكلات ,و هو من الصوصات المحببة جدا للكبار و الاطفال ,تعالوا نشوف ازاى نعمل صوص الشيدر زى بتاع المطاعم بالظبط و شوفى اطفالك هيحبوة ازاى مع اكلاتهم المفضلة.
مقادير صوص الشيدر ل 8 اشخاص
-3 معلقة كبيرة زبدة-3 معلقة كبيرة دقيق
-1 كوب جبن شيدر مبشور (شيدر حمراء او صفراء عادية)
-رشة ملح
-رشة فلفل اسود او ابيض
-2 كوب حليب
-رشة جبنة رومى مبشورة
-رشة ثوم بودر
طريقة عمل صوص الشيدر
حلة صغيرة على النار ثم نضيف الزبدة و نسيحها على نار هادية جدا , و اول ما الزبدة تسيح نضيف اللبن اللى دوبنا فيه 3 معالق الدقيق ,ثم بعد ذلك نضيف الجبن الشيدر و رشة الجبن الرومى و ملح و الفلفل و رشة التوم البودر ونقلب على نار هادئة حتى ذوبان الجبن و يبقى القوام ناعم بدون اى تكتلات.
و تقدرى بقا دلوقت تجربيها هتلاقى طعمها خطير و نقدر نستخدمها على الاكلات المحببة مثل البرجر والبيتزا والبطاطس الصوابع و غيرها .