تعتبر الفته المصرية من اشهر الاكلات الشعبية التى تشتهر بها مصر, و تعتبر الفته الاكلة الراعية لعيد الاضحى المبارك حيث لا يخلو بيت مصرى منها اثناء العيد .
مقادير اللحمة
-1 كيلو لحمة ضاني او بتلو
- واحد ونصف لتر ماء
-1 ثمره بصل كبيره تكون مقطعه اربعة اربع
-1 ثمره طماطم تكون مقطعه اربعه اربع
-1 فص حبهان
-1 ورق لوري
-ملح و فلفل اسود علي حسب الرغبه
مقادير الصلصة
-1 ك عصير طماطم
-4 فص ثوم مهروس
-2 معلقه كبيرة سمن بلدي
-مكعب ماجي
-ملح و فلفل اسود علي حسب الرغبه
-فنجان خل ابيض
-معلقه صلصة
مقادير الخبز
-1 معلقة كبيرة سمن بلدي
-4 عيش بلدي مقطع قطع صغيرة
مقادير الرز
-نصف كليو ارز ابيض مغسول كويس
-نصف معلقة زيت
-معلقة سمن بلدي
-2 كوب مرقة لحم
-ملح وفلفل اسود علي حسب الرغبه
طريقة تحضير اللحمة
نحضر اناء ونضع في الماء و نضعه على النار و نضع به اللحم ثم البصل ثم الطماطم والحبهان و ورق الوري وفلفل اسود علي الاقل 45 دقيقة على النار او حتى تمام السواء ثم نضيف الملح بعد سواء اللحم
تحضير العيش
تحميص العيش اقطع العيش قطع صغيرة ثم اجيب طاسه واضيف فيها السمن البلدي علي النار ثم اضيف العيش مقطع صغيرة مع التقليب لحد ما يديني لون ذهب ثم نشيلها من علي النار ونتركها في طبق.
تحضير الصلصه
نحضر اناء ونضعه علي النار ثم نضيف السمنه لحد ما تسخن ثم اضيف ثوم المهروس لحد ما يديني لون ذهب اضيف فنجان الخل و بعده عصير الطماطم مباشرة ثم معلقة الصلصه و الملح والفلفل الاسود و مكعب ماجي حتي تتسبك الصلصة.
تحضير الارز
نحضر اناء و نضعه علي النار نضيف الزيت والسمنة و عندما يسخن نضيف الارز و نقلب قليلا ثم نضيف الماء مع التقليب ثم اضيف مرقه اللحم اضيف ملح وفلفل اسود علي حسب الرغبة ثم اغطى الرز حتى الغلايان ثم اهدي النار علي الارز حوالي 10 دقائق علي النار او حتى تمام السواء.
كل المكونات اصبحت جاهزة الان نحضر بولة الغرف هنضيف فيها العيش المحص ثم نضيف كبشة من شوربة اللحم الساخنه جدا ثم معلقة صلصة من اللى حضرناها ثم نضيف الرز الابيض ثم علي وجه الرز نضيف صلصة من اللي حضرناها معلقتين كبار ثم نضيف اللحمة علي الوجه ثم نضيف معلقه من الصلصه علي اللحمة.
و الف هنا